Gefunden: 2 Kommentare auf 1 Seiten. Zeige: Kommentare 1 bis 2.
Autor:
Kommentar:
Sibylle
Member
Registriert seit: 22.10.2008 Kommentare: 8
Hey
Roger, merci viu mau für mis Bild, gfalt mir guet! D'Narbe i mim Gsicht isch halt äs Adänke a mini heftigi Zyt als 6 jährigs Meiteli... Das isch passiert, wüll ig o denn einisch nid ha chönne brämse im renne, da bi ig halt ines Metallgschtell grennt, wo nid het nachegäh...
29.11.2012 19:16
roger
Administrator
Registriert seit: 13.03.2002 Kommentare: 1128
Habicht
Hoi Sibylle, jo do chunnt mir grad di Gschicht vom rotschwänzige Habicht i Sinn, wo sini
Vorliebi ja klapperschlange Fleisch isch, das obwou sini Bei ja mit Schuppe bedeckt
si, ihn so vor giftigi Schlangebisse cha schütze, nid aber per se dergägä immun
isch...
Sini unerschrockeheit u sis furchtlose Wäse gägä Hüchlerei und Ungerächtigkeit, verleitet derzue grediuse sini Meinig dsäge ou wes gägäüber nid bereit isch di Meinig dsghöre oder nid. Mängisch schlö si sech aber mit Schlange ume, wo eidütig ä nummere dsgross für si si und äbä imne söttige Momänt loufe si Gfahr, eher aus Opfer denn aus Sieger us däm Kampf hervor dsga. (mit em Chopf dür dWand wöuä...)
Um ihri Energie auso im Glichgwicht dsphaute, isch es notwändig, dass si lehre, meh Geduld und Usduur züebe. Aber da bisch Du ja uf guetem Wäg...